2022 г. — 120 гадоў з часу пабудовы Свята-Прачысценскай царквы ў аг. Дзівін (Кобрынскі р-н; 1902), помніка драўлянага дойлідства рэтраспектыўна-рускага стылю
Свята-Прачысценская царква знаходзіцца ў цэнтры аг. Дзівін Кобрынскага раёна Брэсцкай вобласці. Гэта другі дзеючы праваслаўны храм Дзівіна пасля храма святой Параскевы Пятніцы (1740).
2022 г. — 140 гадоў з часу пабудовы царквы ў гонар святой велікамучаніцы Параскевы Пятніцы ў в. Балоты (Кобрынскі р-н, 1882), помніка драўлянага дойлідства з рысамі стылю класіцызму
У пісьмовых крыніцах першая царква ў в. Балоты Кобрынскага раёна Брэсцкай вобласці згадваецца ў 1652 г. Паколькі значная частка зямель была забалочанай, яна была ўзведзена на пагорку. Генерал-губернатар М. М. Мураўёў, які паклаў канец польска-каталіцкаму дамінаванню над праваслаўнымі сялянамі, у памяць падзей 1863–1864 гг. падараваў Балоцкаму храму сярэбраны пазалочаны крыж, далейшы лёс якога, на жаль, невядомы.
17 красавіка 2022 г. — 110 гадоў з дня нараджэння Івана Фёдаравіча Мілаяніна (1912–1994), удзельніка Вялікай Айчыннай вайны, ганаровага грамадзяніна г. Кобрына
Іван ФёдаравічМілаянін нарадзіўся 17 красавіка 1912 г. у в. Васільеўка Палтаўскай вобласці (Украіна) ў сям’і селяніна-бедняка. Рана застаўся сіратою: бацьку забілі бандыты, а маці памерла, калі хлопчыку было 11 гадоў. З 1922 г. Іван выхоўваўся ў дзіцячых дамах.
13 красавіка 2022 г. – 75 гадоў з дня нараджэння Івана Аляксандравіча Пасвенчука (1947), вынаходніка, доктара філасофіі ў галіне інфармацыйных тэхналогій
Іван Аляксандравіч Пасвянчук нарадзіўся 13 красавіка 1947 г. у в. Лука Кобрынскага раёна Брэсцкай вобласці. Бацькі, Аляксандр Савіч і Надзея Фёдараўна, працавалі ў калгасе. Вучыўся Іван у Лукскай пачатковай школе, потым у Шамятоўскай васьмігадовай школе. Сярэднюю адукацыю атрымаў у школе працоўнай моладзі ў г. Кобрыне. Працаваў на прадпрыемствах Кобрына і раёна фрэзероўшчыкам, шафёрам.
2022 г. – 110 гадоў з часу першага згадвання аб школе ў в. Астромічы Кобрынскага раёна (ДУА «Астроміцкая сярэдняя школа»; 1912)
Першае згадванне пра школу ў в. Астромічы Кобрынскага раёна Брэсцкай вобласці адносіцца да 1912 г. Школа размяшчалася ў хаце Антона Еўдасюка. Да гэтага часу на ўсё наваколле існавала толькі адна школа, якая знаходзілася ў в. Яромічы. Да 1939 г. выкладанне ўсіх прадметаў у школе вялося на польскай мове.
7 красавіка 2022 г. – 85 гадоў з дня нараджэння Антона Васільевіча Букача (1937–2016), заслужанага настаўніка Рэспублікі Беларусь (2000)
Антон Васільевіч Букач нарадзіўся 7 красавіка 1937 г. у в. Гайкоўка Кобрынскага павета Палескага ваяводства (цяпер Кобрынскага раёна Брэсцкай вобласці) у шматдзетнай сялянскай сям’і. У 1949 г. быў залічаны ў першы клас Гайкоўскай пачатковай школы, дзе скончыў чатыры класы. У 1953 г. паступіў у 5 клас Бараноўскай сямігадовай школы рабочай моладзі Жабінкаўскага раёна.
12 красавіка 2022 г. – 85 гадоў з дня нараджэння Сцяпана Дзмітрыевіча Зінчука (1937), спецыяліста ў галіне тэорыі і методыкі выкладання фізікі, кандыдата педагагічных навук
Сцяпан Дзмітрыевіч Зінчук нарадзіўся 12 красавіка 1937 г. у в. Астромічы Кобрынскага павета Палескага ваяводства (цяпер Кобрынскага раёна Брэсцкай вобласці) у сялянскай сям’і. Спачатку вучыўся ў Астроміцкай школе, сямігодку закончыў у в. Мухаўлокі, працягваў вучобу ў сярэдняй школе № 2 г. Кобрына.
1 студзеня 2022 г. – 100 гадоў з дня нараджэння Таццяны Іванаўны Самцовай (1922–2003), удзельніка Вялікай Айчыннай вайны, заслужанага настаўніка БССР
Таццяна Іванаўна Самцова нарадзілася 1 студзеня 1922 г. у в. Навіны Бярэзінскага раёна Мінскай вобласці ў сям’і настаўніка. У 1939–1941 гг. – студэнтка Мінскага дзяржаўнага медыцынскага інстытута. У гады Вялікай Айчыннай вайны ўдзельнічала ў партызанскім руху на тэрыторыі Мінскай вобласці – была сувязной у партызанскім атрадзе № 212.
23 студзеня 2022 г. – 70 гадоў з дня нараджэння Марыі Аляксееўны Мартынавай (1952–2021), кандыдата хімічных навук, вядучага навуковага супрацоўніка Інстытута біяфізікі і клетачнай інжынерыі НАН Беларусі
Марыя Аляксееўна Мартынава нарадзілася 23 студзеня 1952 г. у г. Кобрыне Брэсцкай вобласці. Бацька, Аляксей Міхайлавіч Мартынаў (1904–1999), даследчык гісторыі Кобрыншчыны, першы дырэктар Кобрынскага ваенна-гістарычнага музея імя А. В. Суворава, ганаровы грамадзянін г. Кобрына. Ад бацькоў яна атрымала любоў да кніг, рознабаковасць інтарэсаў і ўменне ладзіць з людзьмі. Калі Аляксей Міхайлавіч быў аўтарытэтам для ўсіх у пытаннях навукі і палітыкі, то маці, Лідзія Пятроўна, вядомая ў горадзе акушэрка, была аўтарытэтам у галіне медыцыны і вядзення хатняй гаспадаркі.
18 студзеня 2022 г. — 70 гадоў з дня нараджэння Мікалая Уладзіміравіча Смяховіча (1952), вучонага-гісторыка, доктара гістарычных навук
Мікалай Уладзіміравіч Смяховіч нарадзіўся 18 студзеня 1952 г. у в. Дзівін Кобрынскага раёна Брэсцкай вобласці ў вялікай сялянскай сям’і. У цяжкія пасляваенныя гады атрымаць добрую адукацыю было вельмі складана. I таму для вясковага хлопчыка, якога з дзяцінства вабілі кнігі, накіраванне ў 1959 г.на вучобу ў Дзівінскую школу-інтэрнат было сапраўдным шчасцем. Да дзевятага класа Мікалай ужо дакладна вызначыўся з будучай прафесіяй — ён марыў быць гісторыкам.